बंगलादेश — सरकारविरोधी आन्दोलन चर्किएपछि बंगलदेशकी प्रधानमन्त्री शेख हसिना देशै छोडेर भागेकी छन् ।
उनी भारतको नयाँदिल्ली पुगेकी छन् । बंगलादेशमा १५ वर्ष निरन्तर शासन गरिरहेकी हसिनाको पछिल्ला अनुदारवादी गतिविधिका कारण असन्तुष्ट रहेका नागरिकहरूले बंगलादेशमा विशाल प्रदर्शन गरे ।
आइतबार एकैदिन करिब १ सय जनाको ज्यान जानेगरी आन्दोलनले हिंसात्मक रुप लिएपछि सोमबार प्रधानमन्त्रीले देशै छोडेर भाग्नुपर्ने अवस्था आएको हो ।
सोमबार नै सेना प्रमुखले अब सबै दलहरूलाई समेटेर अन्तरिम सरकार गठन गर्ने घोषणा गरेका छन् । आन्दोलनकारीलाई आफ्ना कार्यक्रमहरू स्थगित गर्न अनुरोध गरेका छन् ।
