काठमाण्डौं :महफिलको नयाँ श्रृंखलामा गजलकारत्रय केशव भट्टराई,डा.देवेन्द्र आचार्य र अंकित आचार्य गुञ्जिएका छन्।
सर्वनाम थियटरमा आयोजित उक्त कार्यक्रममा गजलकारहरूले विभिन्न चरणमा आफ्ना गजलहरू प्रस्तुत गरे।
ग्राण्ड महफिल सिजन-२ को यस श्रृंखलामा गजलकार त्रयले पहिलो चरणमा तीन/तीन गजल प्रस्तुत गरेका थिए। दोस्रो र तेस्रो चरणमा क्रमशः तीन/तीन र एक/एक गजल प्रस्तुत गरे।
गजलकार केशवले गायनमार्फत आफ्ना प्रेमिल गजलहरूले दर्शकको मन जिते। देवेन्द्र र अंकितले पनि आफ्ना गजलमार्फत गजल श्रोताको मन जिते।
महफिल १० वर्षदेखि निरन्तर रहेको छ। हरेक दुई महिनामा देशका विभिन्न स्थानमा गजल लेखिरहेका गजलकारहरूलाई महफिलमा उपस्थित उभ्याउने गरिन्छ।
महफिल संयोजक तथा साहित्यकार बाबु त्रिपाठीले महफिल अन्य कार्यक्रममा सधैँ देखिने,भेट हुने श्रोता दर्शक भन्दा पनि कहिल्यै नदेखिने, नभेटिनेहरूसँग भेट हुने मञ्च रहेको बताए।
