धनगढी – धनगढी १, टीसीएन चोकमा रहको साइनो एजुकेसनको दोस्रो वार्षिकोत्सव समारोह सम्पन्न भएको छ ।
मङ्गलबार धनगढीका विभिन्न क्षेत्रका शिक्षा प्रेमी व्यक्तिहरुको उपस्तिथिमा एजुकेसनमा अध्ययनरत विद्यार्थीहरुको नृत्य, गीत, गजल लगायतका प्रतिभा प्रदर्शन गरि वार्षिकोत्सव मनाएको हो ।
नेपाल ललितकला प्रज्ञा प्रतिष्ठानका प्राज्ञ सदस्य प्रदीप अधिकारीको प्रमुख आतिथ्यता रहेको उक्त कार्यक्रममा साइनो एजुकेसनका अध्यक्ष रोहित चन्दको अध्यक्षता रहेको थियो।
साइनो एजुकेसनमा लोकसेवा आयोगका तयारी कक्षाहरू गुणस्तरीय तथा अब्बल तरिकाले पढाउनका लागि दक्ष प्रशिक्षकसहितको साइनोको टिम तयार भइसकेको र छिट्टै कक्षा सञ्चालन हुने साइनो एजुकेसनका सल्लाहकार हरिश पन्तले बताएका छन्।
उच्च शिक्षाका निमित्त अन्तर्राष्ट्रिय स्तरमा जान इच्छुक विद्यार्थीका लागि साइनो एजुकेसनले गरेको योगदान उत्कृष्ट रहेको समारोहका प्रमुख अतिथि अधिकारीले बताएका छन्।
यस्तै साइनो एजुकेसनलाई एउटा प्राली वा इन्सिच्युट मात्रै नबनाएर सपना बोकेका युवाहरूको इमोसन बनाउन चाहेको साइनोका सञ्चालक रोहित चन्दले बताए छन् ।
अध्यक्ष चन्दले भने, ‘काठमाडौँमा बसेर पढ्ने विद्यार्थीको कोरिया, जापान जाने, नाशु, खरिदार बन्ने अधिकार जति छ त्यति नै दार्चुलामा बस्ने, बाजुरामा बस्ने वा बैतडीमा बस्ने विद्यार्थीको पनि हो । र, यस कार्यका लागि हामी लागि परेका छौं।’
साइनोको दोस्रो वार्षिकउत्सव समारोहमा साइनो एजुकेसनका प्रवन्ध निर्देशक पदमराज जोशीले स्वागत मन्तव्य राखेका थिए।
साथै साइनो एजुकेसनले आगामी दिनमा लोकसेवा आयोगका तयारी कक्षाहरू पनि सञ्चालन गर्ने अध्यक्ष रोहित चन्दले बताएका छन्।
