धनगढी – वैदेशिक रोजगारका लागि डेनमार्क लैजान्छु भन्दै ठगी गर्ने बाग्लुङ स्थायी घर भएका दिपक कडेल बिगत ६ महिना देखि फरार भएका छन ।
धनगढी कैलालीमा आएर वैदेशिक रोजगारीका लागि चारजना युवाहरु बाट ६ लाख नगद सहित दुई वटा पासपोर्ट लगेर गत मिति २०८१ साउन महिना बाट फरार छन ।
विगत १४–१५ वर्षबाट मेनपावरमा आवद्ध रहेको भन्दै हालको ठेगाना भरतपुर महानगरपालिका ११ माछापुच्छ्रे टोल बताउने कडेलले पीडित एक युवकको पसलमा आएर घरीघरी वैदेशिक रोजगारीको प्रलोभन देखाई ३ महिना भित्र डकुमेन्ट तयार गरि डेनमार्क उडाउने झुठो प्रलोभन देखाए पछि युवकले आफ्ना ३ जना साथीहरू लाईसमेत जाने सल्लाह गरेका थिए।
पैसा हात पर्ने बेलासम्म ५ वटा फरकफरक मोबाइल नम्बरबाट फोनसम्पर्क गर्ने उनले आफ्नी श्रीमती बताउने तारा सापकोटा कडेलको नाममा रहेको नेपाल इन्भेष्टमेन्ट बैंकको खाता नं. २७४०५४२०२५०५४२ मा बैंक भुक्तानी र अनलाइन भुक्तानी गरेर करिव ६ लाख नगद पठाएको पीडितहरुले बताएका छन।
कारोबार पछि साउन महिना आमा खस्नु भो भन्दै अन्तिम फोनकल गरेका कडेल यतिबेला सम्म सम्पर्क बिहिन छन।
उनले विभिन्न समयमा नम्बर परिवर्तन गरिरहनेमा ९८५८०६८७४८, ९७०६९५७४८१, ९८५१३५३०४९, ९७६९२२१५१९, ९८५८४८७२७० यी नम्बरहरु बाट फोन गरेका थिए ।
पीडितहरुका अनुसार कडेल आवद्ध मेनपावर लाई सोधपुछ गर्दा त्यहाँको कर्मचारी वा संचालक कुनै पनि नभएको र नचिन्ने बताएका छन । साथै फरार दिपक कडेल कहिँ कसैले फेला पारे यथाशीघ्र सम्पर्कमा ल्याईदिन पीडितहरुले आग्रह गरेका छन ।
