बझाङ – बझाङमा यर्सागुम्बा र चरेशसहित एक जना पक्राउ परेका छन्।
जिल्लाको सुर्मा गाउँपालिका–१ घर भई हाल जयपृथ्वी नगरपालिका–१० चैनपुरमा बस्ने ४८ वर्षीय लोकबहादुर बोहरा पक्राउ परेका हुन्।
जिल्ला प्रहरी कार्यालय बझाङबाट खटिएको प्रहरी टोलीले बोहराले संञ्चालन गरेको खुद्रा पसलमा खानतलाशी गर्दा कपडाको थैली भित्र लुकाई राखेको प्लाष्टिक डिब्बासहितको तौल ९३९ ग्राम यर्सागुम्बा (जडीबुटी) र ६ ग्राम लागूऔषध (चरेश) फेला पारि उनलाई नियन्त्रणमा लिएको जनाएको छ।
यर्सागुम्बा र चरेशसहित बोहरालाई नियन्त्रणमा लिई थप अनुसन्धान भईरहेको जिल्ला प्रहरी कार्यालय बझाङले बताएको छ।
