धनगढी – नेपाल फार्मेसी संघ सुदूरपश्चिम प्रदेश समितिद्वारा आयोजित नेपाल फार्मेसी संघ कैलालीको प्रथम अधिवेशनबाट अध्यक्षमा आनन्द सिंह भाट चयन भएका छन्।
मंगलबार धनगढीमा आयोजित प्रथम अधिवेशनबाट उपाध्यक्षमा नरेश चौधरी र नवीन भण्डारी चयन भएका छन्।
यसैगरी समितिको महासचिवमा सुवास अधिकारी, सचिवमा शिवराज पन्त र विक्रम रावललाई चयन गरिएको छ।
समितिको कोषाध्यक्षमा प्रियंका बोकटी र सह कोषाध्यक्षमा शिवम जोशी चयम भएका छन्।
यसैगरी सदस्यमा रवीन्द्र खत्री, सन्दीप चौधरी, विरेन्द्र सिंह धामी, श्याम चौधरी, मनोज चन्द, सन्तराम चौधरी, अजय शाह, भरत ऎरी, अक्ष चौधरी र सविता गिरि रहेका छन्।
नेपाल फार्मेसी संघ सुदूरपश्चिम प्रदेश समितिका सदस्य विनेश कठरियाको अध्यक्षतामा सम्पन्न प्रथम अधिवेशनमा नेपाल फार्मेसी संघका केन्द्रिय सचीव नवीन धामीको प्रमुख आतिथ्यता रहेको थियो।
यसैगरी नेपाल फार्मेसी संघका पूर्व केन्द्रिय समिति सचिव रामबहादुर धामी, केन्द्रिय सदस्य दिनेश जोशीको विशिष्ट आतिथ्यता रहेको थियो।
कार्यक्रममा आफ्नो मन्तव्य राख्दै कार्यक्रमका प्रमुख अतिथि तथा केन्द्रिय सचिव नबिन धामिले फार्मेसी पेसालाई वैज्ञानिक ढंगबाट अगाडी बढाउन फार्मेसी क्षेत्रमा आवद्ध संघ-संगठनहरु महत्त्वपूर्ण योगदान रहेको र नेपाल फार्मेसी संघलाई केन्द्रीकृत मात्रै नभएर प्रदेश हुँदै जिल्ला स्तरमा पनि पुर्याउनका निम्ति कैलाली जिल्ला समिति गठन गरिएको बताएका छन्।
प्रथम अधिवेशनबाट चयन भएको नयाँ कार्यसमितिले आउँदो बिहिवार अर्थात असोज ९ गते पर्न गएको फार्मासिस्ट दिवसमा भव्य कार्यक्रम गरि फार्मासिस्ट दिवस मनाउने निर्णय गरेको छ।
उक्त कार्यक्रममा फार्मासिस्ट जनक शाहिले स्वागत मन्तव्य राखेका थिए।
