धनगढीः कैलालीबाट वन र चेक अनादर मुद्दाका ३ जना फरार प्रतिवादी पक्राउ परेका छन्।
विना इजाजत वन पैदावार ओसपसार मुद्दामा १ महिना कैद सजाय र ३९ हजार ६६६ जरिवाना तोकिएको कैलालीको गौरीगंगा नगरपालिका–४ बस्ने वर्ष ४७ को मिनबहादुर गुरुधामी, वन मुद्दामा ६५ हजार ६२० जरिवाना तोकिएको कैलारी गाउँपालिका–७ बस्ने ५० वर्षीय छेदुराम चौधरी र चेक अनादर मुद्दामा १ हजार जरिवाना तोकिएको गौरीगंगा नगरपालिका–३ बासुपुर बस्ने ४५ वर्षीय हरि ओम सापकोटा पक्राउ परेका हुन्।
जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका तीनै जनालाई मंगलवार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो।
