काठमाण्डौै –नेपाल प्रहरीले काठमाण्डौको कीर्तिपुरमा रहेको त्रिवि क्रिकेट मैदानमा भइरहेको नेपाल प्रिमियर लिग (एनपीएल)मा रुखमा चढेर खेल नहेर्न दर्शकलाई अनुरोध गरेको छ ।
खेल हेर्नका लागि दर्शकले अग्ला रुख र अन्य जोखिमयुक्त ठाउँ प्रयोग गर्दा ठूलो दुर्घटना हुन सक्ने भन्दै नेपाल प्रहरीले सचेत गराएको हो । दर्शकलाई सुरक्षितरुपमा, सभ्य र मर्यादित भएर खेल हेर्न प्रहरीको अनुरोध छ ।
त्रिवि क्रिकेट मैदानमा पहिलो खेलदेखि नै समर्थकको उत्साहजनक उपस्थिती छ । रङ्गशालामा दर्शकहरू खचाखच भरिने गरेका छन् । पहिलो दिन उद्घाटन खेलमा टिकट काटेर पनि खेल हेर्न नपाएपछि प्रहरी र दर्शकबीच झडपसमेत भएको थियो ।
