काठमाण्डौं –नेपाल प्रिमियर लिग (एनपीएल) क्रिकेटको टोली कर्णाली याक्समा अनुबन्ध भएका हङकङका बाबर हायत नेपाल आइपुगेका छन् ।
ज्ञानेन्द्र मल्ल प्रशिक्षक तथा नेपाली राष्ट्रिय टोलीका बलिङ अलराउन्डर सोमपाल कामी मार्की खेलाडी रहेको कर्णाली याक्सले चार जना विदेशी खेलाडी अनुबन्ध गरेको छ । कर्णाली याक्सले गएको हप्ता विश्व क्रिकेटकै चर्चित खेलाडी शिखर धवनलाई टोलीमा अनुबन्ध गरेको थियो ।
त्यस्तै टोलीमा वेस्ट इन्डिजबाट टेस्ट खेलिसकेका चादविक वाल्टन र ओमानका पूर्वकप्तान जिसन मक्सूदलाई अनुबन्ध छन् । यसअघि वाल्टन पनि नेपाल आइसकेका छन् ।
प्रतियोगिता मङ्सिर १५ पर्सि शनिवारदेखि पुस ६ गतेसम्म हुँदै छ । पहिलो खेलमा विराटनगर किङ्ग्स र जनकपुर बोल्ट्स खेल्दैछन् ।
