धनगढी – आज त्रिनगर माध्यमिक विद्यालय धनगढीको सामाजिक परीक्षण सम्पन्न भएको छ।
धनगढी उपमहानगरपालिका सामाजिक विकास समितिका संयोजक सुष्मा चौधरीको प्रमुख आतिथ्य र विद्यालय व्यवस्थापन समितिका अध्यक्ष सुरेन्द्र चन्दको विशिष्ट आतिथ्यतामा सम्पन्न उक्त कार्यक्रममा विद्यालयका प्रधानाध्यापक भुपाल सिंह खड्काले स्वागत मन्तब्यका साथै सामाजिक परीक्षणको उद्देश्य माथि प्रकाश पारेको शिक्षक तीर्थराज पाण्डेयले बताएका छन्।
कार्यक्रममा सामाजिक परीक्षण समितिका संयोजक एवम् शिक्षक अभिभावक संघका अध्यक्ष कमलराज पन्तको अध्यक्षता रहेको थियो।
शिक्षक, अभिभावक, शिक्षक अभिभावक संघका पदाधिकारी, विद्यालय व्यवस्थापन समितिका पदाधिकारी र विद्यार्थीहरु सहभागी भएको भेलामा सामाजिक परीक्षण प्रतिवेदन कक्षा ११/१२ का संयोजक डम्बर गडसिलाले गरेका थिए भने कार्यक्रमको सञ्चालन माध्यमिक संयोजक एवम् सूचना अधिकारी तीर्थराज फुलाराले गरेका थिए।
