धनगढी – कैलाली बहुमुखी क्याम्पसमा भदौ २८ गते वक्तृत्व कला प्रतियोगिता हुने भएको छ ।
अखिल क्रान्तिकारी केएमसीको आयोजनामा उक्त प्रतियोगिता आयोजना हुने भएको हो ।
विद्यार्थीको प्रतिभालाई प्रस्फुटन गर्ने उद्देश्यले वक्तृत्व कला प्रतियोगिता आयोजना गरिएको अखिल क्रान्तिकारी कैलाली बहुमुखी क्याम्पसका अध्यक्ष मिलन भाट (म्याक्स)ले बताएका छन् ।
कैलाली बहुमुखी क्याम्पसमा अध्ययनरत विद्यार्थीहरूले सहभागि हुन पाउने उक्त प्रतियोगितामा “महिला हिंसा र यसले समाजमा पार्ने प्रभाव” र “युवा, राजनीति र समाज रूपान्तरण” गरि दुईवटा शिर्षक रहेका छन् ।
प्रतियोगिताको प्रथम पुरस्कार तीन हजार ५ सय नगद र प्रमाणपत्र, द्वितीय पुरस्कार दुई हजार ५ सय नगद र प्रमाणपत्र रहेको छ भने तृतीय पुरस्कार एक हजार ५ सय नगद र प्रमाणपत्र रहेको आयोजक समितिले जनाएको छ ।
कार्यक्रम भदौ २८ गते बिहान ९ बजेदेखि कैलाली बहुमुखी क्याम्पसको कन्फ्रेन्स हलमा हुने जनाइएको छ । कार्यक्रममा सहभागिताका लागि निःशुल्क नाम दर्ता गर्न सकिनेछ ।
