धनगढी –बजार व्यवस्थापन तथा विक्री कर्मचारी संघ (ओम्स) नेपालको सुदूरपश्चिम प्रदेश कमिटीले धनगढीको मानव सेवा आश्रममा भोजन सेवा गरेको छ ।
ओम्स सुदूरपश्चिम प्रदेशको दोस्रो स्थापना दिवसका अवसरमा आश्रममा भोजन सेवा गरेको हो ।
भोजन सेवा कार्यक्रममा जिफन्ट सुदूरपश्चिम प्रदेश जीत बहादुर मल्ल, ओम्स नेपालका केन्द्रीय उपाध्यक्ष डम्मर ठकुल्ला, ओम्स नेपालका उपमहासचिव जनक ढकाल लगायतको उपस्थिति रहेको थियो ।
मानव सेवा आश्रमले विगत १२ वर्षदेखि सडकमा जीवन बिताइरहेका सहयोगापेक्षी सडक मानवहरूको उद्धार र पुनर्मिलन गराउँदै आएको छ ।
हाल मानव सेवा आश्रम धनगढी ५ तारानगर र धनगढी १५ उर्मी दुई ठाउँबाट ६६ जना सहयोगापेक्षी सडक आश्रित बेवारिसे व्यक्तिहरूको सेवा दिँदै आइरहेको छ ।
कुनै पनि विदेशी सहयोग बिना नै आश्रम सञ्चालनमा भइरहेको कुरा र आफूले सक्दो सहयोग गरिदिनुहुन मानव सेवा आश्रमका कैलाली जिल्ला संयोजक लोकेन्द्र शाहले अनुरोध गरेका छन् ।
