विराटनगर । पृथ्वीनारायण शाह र उनका बुवा नरभुपाल शाहका सल्लाहकार बिसे नगर्चीका विषयमा खोज र अनुसन्धानसहितको ‘गुमनाम एक इतिहास बिसे नगर्ची’ नामक पुस्तक सार्वजनिक गरिएको छ ।
मोरङको पथरी शनिश्चरे नगरपालिका–१ निवासी खोजकर्ता लेखक दीपेन्द्रराज तिम्सिनाले पुस्तक लेखेका हुन् ।
यो पुस्तक १५६ पृष्ठको छ । विभिन्न दस्तावेजको अध्ययन, बिसेका सन्तानलगायत व्यक्तिसँग भेटेर अनुसन्धान र इतिहासकारहरूसँग सोधखोज गरी ४९ शीर्षकमा किताब लेखिएको तिम्सिनाले जानकारी गराए ।
