धनगढी – धनगढीमा रहेको हाम्रो मेडिकलले प्रहरी चौकी त्रिनगर कैलालीलाई सहयोग गरेको छ।
धनगढी ३ मिलन चोकमा रहेको हाम्रो मेडिकलद्वारा चौकीलाई अग्नि नियन्त्रक सिलिन्डर लगायत स्वास्थ्य सामाग्री हस्तान्तरण गरिएको हो।
मेडिकलबाट चौकीमा आवश्यक पर्ने प्राथमिक उपचारका लागि आवश्यक स्वास्थ्य सामग्री सहयोग प्राप्त भएको प्रहरी चौकी त्रिनगर कैलालीका प्रहरी सहायक निरीक्षक असई जगदीश ऐरले जानकारी दिएका छन्।
चौकीमा भएको एक कार्यक्रममा हाम्रो मेडिकलका तर्फबाट राजेश चौधरी र म्यानेजिङ डाइरेक्टर कृष्ण धामीको उपस्थितिमा उक्त सामग्री हस्तान्तरण गरिएको हो
चौकीमा सामान्य आगलागि नियन्त्रणका लागि अग्नि नियन्त्रक सिलिन्डरको र प्राथमिक उपचारका लागि आवश्यक सामग्रीको अभाव रहेको जानकारी प्राप्त भएपछि प्रहरी चौकी तीरनगर कैलालीको मेडिकल पार्टनरका रूपमा समेत रहेको हाम्रो मेडिकलले चौकीलाई उक्त सामग्री सहयोग गरेको मेडिकलका म्यानेजिङ डाइरेक्टर कृष्ण धामीले बताएका छन्।
