धनगढी – धनगढीमा भदौ २८ र २९ गते प्रज्ञा उत्सव साधना हुने भएको छ ।
सेलिब्रेसन मेडिटेसन सेन्टर, काठमाडौंको आयोजनामा धनगढीको सौंराईं स्क्वायरमा उक्त साधना हुने भएको हो ।
साधना २८ गते बिहान ७ बजेदेखि हुने कार्यक्रमका संयोजक रञ्जन कुमार शर्माले बताएका छन् ।
मानव जीवनमा आइपर्ने विभिन्न मानसिक दु:ख कष्टबाट आनन्दको मार्ग प्राप्तिका लागि उक्त साधना कार्यक्रमको आयोजना गरिएको बताइएको छ ।
साधनामा सम्पूर्ण उमेर समूहका व्यक्तिहरुले सहभागिता जनाउन सकिने आयोजकले जनाएको छ । दुई दिनसम्म चल्ने साधना कार्यक्रमको शुल्क २५ सय रुपैयाँ तोकिएको प्रशिक्षक, आचार्य महानन्द पुष्कल नेपालले बताएका छन् ।
शुक्रबार र शनिबार बिहान ७ देखि साँझ ५:३० बजेसम्म सञ्चालन हुने उक्त साधना कार्यक्रममा नास्ता र खानाको पनि व्यवस्था गरिएको छ ।
