धनगढी – तेस्रो सुप राष्ट्रिय इन्टरटेन्मेन्ट म्यूजिक अवार्ड २०८१ को सर्वोत्कृष्ट श्रृगार तर्फको अवार्ड लक्ष्मी चौधरीले हात पारेकी छन् ।
सोमबार सुदूरपश्चिम प्रदेशका पूर्व मुख्यमन्त्री राजेन्द्रसिंह रावलको प्रमुख अतिथ्यतामा भएको एक समारोहकाबिच लक्ष्मी चौधरीलाई अवार्ड प्रदान गरिएको हो ।
उनलाई श्रृंगार तर्फको प्रतिस्पर्धामा “हाइ दैया” बोलको गीत सामेल गरिएको थियो । प्रतियोगितामा दर्शकहरुको भोटिङलाई बढी आधार मानेर सर्वोत्कृष्ट छनोट गरिएको थियो ।
अहिले सम्म एक सय भन्दा बढी गितहरुमा श्रृगार गरिसकेकी चौधरीले श्रृगार बिधा बाट अवार्ड जित्न सफल भएकी थिइन । हाल नेपालगंज बस्दै आएकी उनले यसअघि नेपाली, चौधरी, राना भाषाका गितहरुमा श्रृगार गर्दै आइरहेकी छन् ।
