बैतडी – बैतडीको पाटन नगरपालिका–८ खोड्पेमा देउडा प्रतियोगिता हुने भएको छ ।
बजार व्यवस्थापन समिति र वडा कार्यालयको सहकार्यमा यस वर्ष पनि देउडा प्रतियोगिताको आयोजना गरिन लागिएको वडा नं ८ का वडा अध्यक्ष हरिश बिष्टले बताए ।
यही भाद्र २७,२८ र २९ गते हुने देउडा प्रतियोगितामा सहभागिता जनाउने देउडिया कलाकारहरुले भाद्र २६ गते साँझ ५ बजेसम्म नाम दर्ता गरिसक्नुपर्ने बताईएको छ । देउडिया कलाकारहरुका लागि दर्ता शुल्क रु ५ सय कायम गरिएको छ ।
खोडपेमा देउडा प्रतियोगिता निरन्तर गरिँदै आएको र यसवर्ष पनि थप परिस्कृत गरी देउडा प्रतियोगिताको आयोजना गरिन लागिएको वडा अध्यक्ष बिष्टले बताए ।
