अछाम –अछाममा ८ जना जुवाडे पक्राउ परेका छन्।
प्रहरीका अनुसार मंगलबार राति जिल्लाको कमलबजार नगरपालिका–२ का दुर्गा रावतको घरमा जुवा खेलिरहेको अवस्थामा ८ जना पक्राउ परेका हुन्।
कमलबजार–४ का ३५ वर्षीय पदम थापा, कमलबजार–२ का ३७ वर्षीय खडक विष्ट, कमलबजार–८ का ४५ वर्षीय मनबहादुर चलाउने, वडा नम्बर १ का ४३ वर्षीय नरेन्द्र ढकाल, तुर्माखाँद गाउँपालिका–३ का २६ वर्षीय प्रेम नेपाली, ३० वर्षीय विमल विक, पञ्चदेवल विनायक नगरपालिका–५ का २४ वर्षीय जगतबहादुर शाही र बाजुराको बुढीगंगा नगरपालिका–६ का ४६ वर्षीय शेरबहादुर विकलाई नियन्त्रणमा लिएको जिल्ला प्रहरी कार्यालय अछामले जनाएको छ।
५१ हजार ९७५ नगद, ९ थान मोबाइल र २ गड्डी ताससहित नियन्त्रणमा लिएको प्रहरी नायब उपरीक्षक इश्वरीप्रसाद भण्डारीले बताए।
