धनगढी – सुदूरपश्चिम प्रदेशमा सवारीसाधन प्रयोगकर्ताको संख्या बढेको छ।
सुदूरपश्चिमको पुरानो सडक संरचनाले धान्नै नसक्ने गरी सवारीसाधनको चाप बढेको हो।
प्रदेशभित्र सवारी चाप २ दशमलव ७७ प्रतिशले बढेको छ। कैलाली र कञ्चनपुरमा सवारीसाधनको चाप सबैभन्दा उच्च देखिएको छ। बैंक तथा वित्तीय संस्थाहरुले सवारीसाधन खरिदमा फाइनान्सको सुविधा दिएपछि सवारीसाधनसँगै सवारी चालको संख्यासमेत बढ्दै गएको हो। सबैभन्दा बढि कैलाली र त्यसपछि कञ्चनपुरमा सवारीको चाप बढेको छ।
पहाडी जिल्लाका ग्रामीण बस्तीसम्म सडक विस्तारसँगै सवारीसाधनको संख्यामा समेत वृद्धि हुँदै गएको छ। प्रदेशभित्र सञ्चालित बैंक तथा वित्तीय संस्थाहरुले सवारी कर्जा तथा फाइनान्सको सुविधा दिने अवस्थाका कारण पनि साना, हलुका तथा ठूला सवारीसाधनको संख्या वर्षेनि बढ्दै गएको हो। पुरानो सडक संरचनामा यातायातका साधन थप गर्दै जादा व्यवस्थापनमै समस्या भइरहेको यातायात व्यवसायीहरुको गुनासो छ।
अघिल्लो आर्थिक वर्ष २०७९र८० को तुलनामा आर्थिक वर्ष २०८०र८१ मा सवारीसाधनको संख्या २ दशमलव ७७ प्रतिशतले बढेको छ। प्रदेशभित्र सवारीसाधनको संख्या बढेर एक लाख ७२ हजार ६२७ पुगेको छ। मोटरसाइकलको संख्या २ दशमलव ६९ प्रतिशतले बढेर एक लाख ४१ हजार ९ स ९४ पुगेको छ। अन्य सवारीसाधनको संख्यामा ३ दशमलव १८ प्रतिशतले वृद्धि भएर ३० हजार ६३३ पुगेको छ।
सम्वन्धित यातायात व्यवस्था कार्यालयहरुको तथ्यांकअनुसार सुदूरपश्चिममा आर्थिक वर्ष २०७८र७९ मा कुल एक लाख ५९ हजार ६८५, २०७९ पुस मसान्तसम्म बढेर एक लाख ६७ हजार ९६७ पुगेको थियो भने सो संख्या २०८० पुस मसान्तसम्म आइपुग्दा एक लाख ७२ हजार ६२७ पुगेको हो।
