धनगढीः कैलालीको अतरियाबाट बेपत्ता भएको घटनामा प्रहरीले तीन जनालाई नियन्त्रणमा लिएको छ।
बुधवार राति धनगढी–३ बोराडाँडीका वीरेन्द्र चन्द सम्पर्कविहिन भएको घटनामा चन्दसँगै खाजा खाएको भनिएका तीन जनालाई नियन्त्रणमा लिइएको प्रहरीले जनाएको छ। जिल्ला प्रहरी कार्यालय कैलालीका प्रवक्ता डिएसपी राजकुमार सिंहले गोदावरीका विनोद शाह, गोविन्द शाक्य र भरत बोहरालाई नियन्त्रणमा लिइएको बताए।
प्रवक्ता सिंहले चारै जना राति सङ्गै थिए, तर चन्द उनीहरूसङ्गै भएको बेला सम्पर्कविहिन भएको तथ्य खुलेपछि अनुसन्धानका लागि शाह, बोहरा र शाक्यलाई नियन्त्रणमा लिएको बताए। चन्द घर नआएपछि उनको परिवारले प्रहरीमा जाहेरी दिएको थियो।
उनको अवस्था अझैसम्म अज्ञात छ। चन्दको खोजी भइरहेको प्रहरीले बताएको छ। चारैजना साथी रहेको र घटनाबारे सोधपुछ गर्न तीन जना साथीलाई इलाका प्रहरी कार्यालय मालाखेतीमा राखिएको प्रहरीले जनाएको छ।
