एजेन्सी :सन् २०२४ मा विश्वभर कम्तीमा १ सय ४२ वातावरण अभियन्ता मारिएका प्रतिवेदन सार्वजनिक भएको छ ।
यस्तै ४ जना बेपत्ता भएका गैरसरकारी संस्था ‘ग्लोबल विटनेस’ को प्रतिवेदनलाई उद्धृत गर्दै समाचार संस्था ‘कतार न्युज एजेन्सी’ ले जनाएको छ ।
संस्थाले आज सार्वजनिक गरेको प्रतिवेदन अनुसार मारिनेमा धेरैजसो आदिवासी वा किसानहरू थिए । आक्रमण गर्नेहरू प्रायः आपराधिक समूहहरू थिए, यद्यपि राज्य सुरक्षा बलहरू संलग्न भएका घटनाहरू पनि रेकर्ड गरिएका थिए । धेरैजसो हत्याका घटनाहरू अझै पनि समाधान भएका छैनन् ।
वातावरणीय रक्षकहरूका लागि कोलम्बिया सबैभन्दा खतरनाक देश रहेको प्रतिवेदनमा उल्लेख छ । कोलम्बियामा गएको वर्ष ४८ जना वातावरण अभियन्ताको हत्या भएको छ । यस्तै ग्वाटेमालामा २०, मेक्सिकोमा १८ जना मारिएका छन् ।
सन् २०२३ को तुलनामा सन् २०२४ मा विश्वव्यापी मृत्युको सङ्ख्या २८ प्रतिशतले घटे पनि रिपोर्ट नगरिएका घटनाहरूका कारण वास्तविक सङ्ख्या बढी हुन सक्ने ‘ग्लोबल विटनेस’ ले जनाएको छ ।
संस्थाले आक्रमणहरूको अनुसन्धान गरेर र अपराधीहरूलाई अभियोजन गरेर वातावरण रक्षकहरूको संरक्षणमा सरकारको भूमिकामा जोड दिएको छ ।
