काठमाण्डौँ– काठमाण्डौँमा ट्याक्सी रोकी मोबाइल लुटपाट गरेको आरोपमा तीन जना पक्राउ परेका छन्।
पक्राउ पर्नेमा सिन्धुली सुनकोशी गाउँपालिका १ घर भइ काठमाण्डौँ ३२ जडिबुटी बस्ने १८ वर्षीय नवराज सुनुवार, धनुषाको मुखियापट्टी मुसहरनिया गाउँपालिका (सिर्सिया) घर भइ बुढानिलकण्ठ १० बस्ने १८ वर्षीय राजनिष्ट यादव र रौतहटको गरुडा नगरपालिका २ घर भइ काठमाण्डौँ १० कपन बस्ने २७ वर्षीय सुरेश ठाकुर रहेका छन्।
उनीहरूले बैशाख ५ गते बिहानको पौने ४ बजेतिर काठमाण्डौँ ३ बसुन्धारामा एक ट्याक्सी चालकको मोबाइल लुटेको जिल्ला प्रहरी परिसर काठमाण्डौँले जनाएको छ।
मोटरसाइकलमा आएका उनीहरूले चितवन घर भइ काठमाण्डौँ ट्याक्सी चलाउँदै आएका प्रेम तामाङको मोबाइ लुटेका थिए। उनीहरूले अन्य व्यक्तिको पनि मोबाइल लुटपाट गरेको खुलेको प्रहरीले जनाएको छ।
