काठमाण्डौं – राष्ट्रिय स्वतन्त्र पार्टी (रास्वपा)को दुई दिने केन्द्रीय समितिको बैठक आजदेखि काठमाण्डौंमा शुरू भएको छ ।
बैठकको पहिलो दिन आज सहकारीसम्बन्धी अध्यादेश–२०८१ र संसदमा दर्ता भएका विधेयकमाथि छलफल केन्द्रित छ । बैठकले सहकारीसम्बन्धी अध्यादेश र संसदमा दर्ता भएका विधेयकमाथि छलफल गर्दै पार्टीको धारणा प्रस्तुत गर्ने कार्यवाहक प्रवक्ता मनिष झाले जानकारी दिए ।
यस्तै आजको बैठकमा रिक्त स्थानिय तहमा मङ्सिर १६ मा भएको उपचुनावको समीक्षा गर्दै समसामयिक राजनीतिक छलफल र रिपोर्टिङ गर्ने कार्यक्रम पनि तय भएको छ । बैठकको दोस्रो दिन भोलि संविधानको परिमार्जन सम्बन्धमा छलफल गर्ने कार्यवाहक प्रवक्ता झाले बताए ।
त्यस्तै रास्वपाको जलेश्वर बैठक र राष्ट्रिय भेलामा प्रस्तुत पार्टी सभापतिको राजनीतिक प्रतिवेदनका आधारमा पार्टीको आगामी कार्यदिशासँगै कार्यक्रम तालिकाबारे छलफल हुनेछ ।
यस्तै केन्द्रीय समिति, सल्लाहकार परिषद्, थिंकट्यांक एवम् केन्द्रीय विभागको पुनःसंरचना, पार्टीको आचारसंहिता र बैठक सञ्चालन कार्यविधि संशोधनका विषयमा गर्नेछ ।
रास्वपाको केन्द्रीय समितिमा सभापति रवि लामिछानेसहित ६१ जना सदस्य छन् । सभापति लामिछानेलाई सहकारी ठगी, सङ्गठित अपराध र सम्पत्ति शुद्धीकरण मुद्दा लागेपछि पार्टीको कार्यवाहक सभापति डोरप्रसाद अर्याल हुनु ।
