धनगढी –धनगढीको त्रिनगर माविमा सरस्वती मन्दिरको शिलान्यास गरिएको छ ।
धनगढी उपमहानगरपालिका-१, एलएन चोकमा रहेको त्रिनगर माध्यमिक विद्यालयको प्राङ्गणमा मन्दिरको शिलान्यास गरिएको हो ।
धनगढी उपमहानगरपालिका-५, हसनपुर निवासी कृष्णराज पन्त, धर्मराज पन्त र कमलराज पन्तका पिता स्वर्गीय खगराज पन्तको स्मृतिमा धनगढीस्थित त्रिनगर माविको प्राङ्गणमा शुक्रबार मन्दिरको शिलान्यास गरिएको विद्यालयका शिक्षक तिर्थराज पाण्डेयले बताए ।
आउँदो माघमा मनाइने सरस्वती पूजाको दिन समुद्घाटन गर्नेगरी पण्डित नित्यानन्द जोशीबाट पूजाआजा गराउँदै विद्यालयका प्रधानाध्यापक भूपाल सिंह खड्का, विद्यालयका शिक्षक, कर्मचारी र पन्त परिवारको उपस्तिथिमा सरस्वती मन्दिरको शिलान्यास गरिएको छ ।
