धनगढी – जलवायु वित्तका लागि जारी कोप-२९ को समर्थनमा धनगढीमा र्याली गरिएको छ ।
धनगढीको कैलाली बहुमुखी क्याम्पसको गेट देखि धनगढी उपमहानगरपालिकाको कार्यालय सम्म शान्तिपुर्ण र्याली गरिएको बोलन्या थलीका निर्देशक पदम साउदले बताए।
कैलाली बहुमुखी क्याम्पसमा पढ्ने विद्यार्थी, बोलन्या थलीका पदाधिकारीहरु, स्काउट र जुनियर जेसिजको र्यालीमा सहभागीता रहेको थियो ।
यस्तै र्यालीमा जिल्ला प्रहरी कार्यालय कैलालीका प्रहरी निरीक्षक दिपक बहादुर धामी नेतृत्वको प्रहरी टोली र मानव अधिकारका पदाधिकारीको समेत सहभागिता रहेको निर्देशक साउदले बताए।
नेपालका १६ सहरहरुमा गरिए अनुसार धनगढीमा पनि अजरबैजानमा जारी कोप-२९ को समर्थनमा र्याली गरिएको हो।
यो आन्दोलनले वैश्विक उत्तर (ग्लोबल नर्थ) का सरकारलाई ऐतिहासिक जलवायु ऋण चुकाउन र वैश्विक दक्षिण (ग्लोबल साउथ) प्रतिको आफ्नो वित्तीय दायित्व पूरा गर्न आह्वानमा एकिबद्धता जनाउन गरिएको समेत निर्देशक साउदले जोड दिए ।
