काठमाण्डौं ।नेपाली सेनाले देशभर कर्फ्यु आदेश जारी गरेको छ ।
आन्दोलनको नाममा अझै पनि विभिन्न अराजक व्यक्ति र समूहहरुले घुसपैठ गरी व्यक्तिगत र सार्वजनिक सम्पत्ति तोडफोड तथा आगजनी, लुटपाट गरिरहेको सेनाले जनाएको छ ।
व्यक्ति लक्षित हिंस्रक आक्रमण, बलात्कारका प्रयास जस्ता क्रियाकलापहरु गरिरहेको र गर्नसक्ने सम्भावना रहेको हुँदा देशको समग्र शान्ति सुरक्षा अवस्थालाई मध्यनजर कफ्यू आदेश जारी भएको सेनाले जनाएको छ ।
आजका लागि साँझ ५ बजेसम्म कर्फ्युको समय निर्धारण गरिएको छ । सेनाको विज्ञप्ति अनुसार साँझ ५ बजेपछि कर्फ्यु जारी रहने र तत्पश्चात् भोलि बिहीबार बिहान ६ बजेसम्म कर्फ्यु जारी रहने जानकारी गराइएको छ ।
सेनाले परिस्थितिको विश्लेषणका आधारमा थप निर्णय गर्ने जनाएको छ ।
