धनगढी – धनगढी नगर प्रहरीद्वारा १ हजार तीन सय बढी सर्पको उद्दार गरेको छ।
नगर प्रहरीले अहिलेसम्म धनगढी र छिमेकी पालिका गोदावरीबाट गरेर १ हजार तीन सय ९४ सर्पको उद्दार गरेको हो।
स्थानीयको घरभित्र पसेको सर्पलाई नगर प्रहरी बलले तत्काल उद्दार गर्ने काम गर्दै आएको छ।
‘हर घडी नगर प्रहरी’ अभियानसहित धनगढी उपमहानगरभित्र कार्यरत नगर प्रहरीले खोज उद्धारदेखि शव चिस्यान सेवासम्मको काम गर्दै आएको छ। यी सम्पूर्ण सेवाहरू धनगढी नगर प्रहरी बलले निःशुल्क रुपमा गर्दै आएको छ।
आफूलाई परेको समस्या धनगढी नगर प्रहरी बललाई जानकारी गराउना साथ नगर प्रहरी परिचालित भएर आवश्यकताअनुसार नागरिकलाई सेवा दिने गरेको उपमहानगरपाकिाले जनाएको छ।
नगरबासीलाई सर्पदंश र सर्पलाई अकालबाट मारिनबाट जोगाउन नगर प्रहरीलाई सर्प समात्ने तालिम दिई नगरका घर, टहरा, पसल, गोठभित्र पसेका सर्पको उद्धार गर्ने काम हुँदै आएको छ।
