कैलाली ।नेपाली कांग्रेसका नेता तथा गृहमन्त्री रमेश लेखकले कांग्रेस र एमाले दुई ठुला प्रतिस्पर्धी दलको गठबन्धनले आत्मविश्वास बढेको बताएका छन् ।
नेपाली कांग्रेस कैलालीले आयोजना गरेको कार्यकर्ता भेटघाट तथा अन्तरक्रिया कार्यक्रममा बोल्दै गृहमन्त्री रमेश लेखकले सो कुरा बताएका हुन् ।
उनले भने, “दुई ठुला दलहरू एक आपसमा प्रतिस्पर्धी दलहरू हुन्। हामीबिच प्रतिस्पर्धा पनि छ, सहमति पनि छ । हामी सहमतिका साथ अघि बढ्दा जनतामा आत्मविश्वास बढेको छ ।”
कार्यक्रममा बोल्दै मन्त्री लेखकले दुई दलबिचको गठबन्धन बन्दा देशमा परिर्वनको थालनी भएको बताए ।
कैलाली जिल्लाको समग्र शान्ति सुरक्षा, सीमा नाकालाई व्यवस्थित तथा सुदृढीकरणका लागि आवश्यक पहल गरिने उनले बताएका छन् ।
गृहमन्त्री लेखकलाई नेपाली कांग्रेस कैलालीका जिल्ला सचिव नृप सुनारले समग्र जिल्लाको वस्तुस्थितिका बारेमा अवगत गराएका थिए ।
