काठमाण्डौं –रामेछापको दोरम्बा शैलुङ गाउँपालिका–३ लेखर्कमा पहिरोमा पुरिएर दुई जनाको ज्यान गएको छ । आठ जना हराइरहेका छन् ।
गएराति १० बजेतिर झरेको ठूलो पहिरोले छ वटा घर बगाएको बताइएको छ । चण्डिका थापामगर र एउटा बालकको शव भेटिएको छ । अरू आठ जना बेपत्ता रहेका छन् ।
पहिरोले पाँच वटा घर बगाएर अँधेरी खोलामा पुर्याएकाले घरहरु कहाँ पुगे भन्ने थाहा छैन । घरकै नामनिशान नभएकाले हराइरहेका मानिस खोज्न पनि समस्या भएको छ ।
पहिरोपछिको बाढीले एउटा पक्की पुल पनि बगाएको छ । अहिले घटनास्थलमा नेपाली सेना र नेपाल प्रहरी पुगेर खोजी शुरु गरेका छन् ।
