धनगढी । डडेल्धुरा सदरमुकामस्थित बसपार्क नजिकै जीप दुर्घटना हुदाँ ४ जना घाइते भएका छन् ।
सदरमुकामबाट गन्यापधुरा गाउँपालिका गइरहेको सुपप्र ०४००१च ०१३४ नम्बरको जीप नालीमा खसेर दुर्घटना भएको हो ।
दुर्घटनामा ४ जना घाइते भएको प्रारम्भिक जानकारी प्राप्त भएको छ । घाइतेमध्ये एकजना गम्भीर अवस्थामा रहेका छन् ।
उनीहरुलाई उपचारका लागि डडेल्धुरा अस्पताल लगिएको छ । दुर्घटनाबारे थप जानकारी आउँन बाँकी रहेको प्रहरीले जनाएको छ ।
