काठमाडौं ।कृषि, सहकारी तथा प्राकृतिक स्रोत समिति सभापति कुसुमदेवी थापाले पद तथा गोपनीयताको शपथग्रहण गरेकी छन् । बुधबार समितिको सभा कक्षमा शपथग्रहण गरेकी हुन् ।
सभामुख देवराज घिमिरेले सभापति थापालाई पद तथा गोपिनीयताको शपथग्रहण गराएका थिए । डा. आरजु राणा देउवा परराष्ट्रमन्त्री बनेपछि रिक्त सभापति पदमा थापा निर्विरोध चयन भएकी थिइन् ।
शपथग्रहणपछि सञ्चारकर्मीहरूसँग कुरा गर्दै सभापति थापाले समितिका काम कारबाहीलाई चुस्त बनाउने प्रतिबद्धता व्यक्त गरिन् ।
