धनगढी – डडेल्धुरामा एक जना सव–ओभरसियर घाइते अवस्थामा फेला परेका छन्।
अमरगढी नगरपालिकामा कार्यरत सव–ओभरसियर घाइते अवस्थामा फेला परेका छन्। अमरगढी नगरपालिका–५ का ४५ वर्षीय डम्बरबहादुर भट्ट शनिवार बिहान घर नजिकै घाटीमा चक्कुले प्वाल परेको अवस्थामा फेला परेका हुन्।
जिल्ला प्रहरी कार्यालय डडेल्धुराका प्रमुख डिएसपी दीपक कार्कीले घाइते भट्टको उपचारका लागि धनगढी लगिएको बताए। प्रहरीका अनुसार भट्ट शुक्रवार बेलुकीदेखि नै परिवारको सम्पर्कमा थिएनन्। उनको खोजी गर्दै जाँदा शनिवार बिहान घर नजिकैको जङ्गलमा घाइते अवस्थामा फेला परेका हुन्। घटनास्थलमा चक्कु पनि फेला परेको प्रहरीले जनाएको छ।
