काठमाण्डौँ :नेपाली पब्जी टिम ‘‘होरा ई-स्पोर्ट्स’ साउदी अरबमा भइरहेको पब्जी मोबाइल विश्वकपको ग्राण्ड फाइनलमा प्रवेश गरेको छ।
समूह चरणमा १३औँ स्थानमा रहेको होराले सर्भाइभल स्टेजमा उत्कृष्ट प्रदर्शन गर्दै पहिलो स्थान हासिल गरी फाइनल स्थान सुरक्षित गरेको हो ।
यससँगै उसले २५ हजार डलर (करिब ३४ लाख ५० हजार रुपैयाँ) पुरस्कार पाएको छ।
होरा अब विश्वका उत्कृष्ट १५ टिमसँग १ देखि ३ अगस्टसम्म हुने ग्राण्ड फाइनलमा उपाधिका लागि प्रतिस्पर्धा गर्नेछ ।
प्रतियोगितामा २४ टिम सहभागी थिए। फाइनल म्याच आगामी अगष्ट १,२ र ३ तारिखमा हुनेछ। भने प्रतियोगिताको उपाधि विजेता टिमले ३ मिलियन डलर पाउनेछन्।
