धनगढी, जेठ १६ –अक्सफोर्ड सेकेन्डरी स्कुल, धनगढी-४, बोराडाँडीमा आज जेठ १६ गते “नमुना मतदान कार्यक्रम २०८२” भव्य रूपमा सम्पन्न गरिएको छ।
विद्यालयमा अध्ययनरत विद्यार्थीहरूलाई लोकतान्त्रिक प्रक्रिया, मतदान प्रणाली बारे गाराउने तथा नेतृत्व चयन गर्ने उद्देश्यले कार्यक्रम आयोजना गरिएको बताइएको छ।
कार्यक्रममार्फत विद्यार्थीहरूलाई मतदान प्रक्रिया र उम्मेदवारको चयनसम्मको सम्पूर्ण अभ्यास गराइएको थियो। यसले विद्यार्थीहरूमा लोकतान्त्रिक चेतना बढाउनुका साथै नेतृत्व विकासमा समेत योगदान पुर्याउने विश्वास विद्यालय प्रशासनले व्यक्त गरेको छ।
कार्यक्रम सफल बनाउन आवश्यक निर्वाचन सामग्री उपलब्ध गराएकोमा प्रदेश निर्वाचन कार्यालय प्रति विद्यालय परिवारले हार्दिक आभार व्यक्त गरेको छ।
