काठमाण्डौं :खराब मौसमका कारण त्रिभुवन अन्तर्राष्ट्रिय विमानस्थलमा उडान र अवतरण प्रभावित बनेको छ।
मौसमका कारण अवतरणमा समस्या हुँदा कतिपय जहाज आकाशमा होल्ड भइरहेका छन्। छेन्दुबाट काठमाण्डौं आएको एयर चाइना, सिचुवान एयर, सुर्खेतबाट काठमाण्डौं आउँदै गरेको श्रीएयर, भैरहवाबाट आएको यति एयर, नेपालगञ्जबाट काठमाण्डौं आएँदै गरेको बुद्ध एयरको जहाज आकाशमै फन्को लगाइरहेका छन्।
रामेछापबाट फाप्लुका लागि उडेको जहाज डाइभर्ट भएको छ। लुक्ला, तुम्लिङटार लगायत गन्त्वयमा हुने उडान डिले भएको विमानस्थल प्रशासनले जनाएको छ।
