धनगढी — धनगढी उपमहानगरपालिका–०४ मा अवस्थित ग्ली एकेडेमी स्कूलले ‘मोटिभेसनल ट्रेनिङ’ कार्यक्रम आयोजना गर्ने भएको छ।
कक्षा ५ देखि १० सम्मका विद्यार्थीहरूलाई लक्षित गरी आयोजना गरिएको उक्त कार्यक्रम यही १७ गते बैशाखमा धनगढी–०३ चटकपुरस्थित होटल पउवामा (फ्लोरा होटल) हुने भएको हो।
कार्यक्रममा प्रेरणादायी वक्ताका रूपमा चर्चित डा. तारा जीको विशेष उपस्थिति रहनेछ। बिहान ११ बजेदेखि सुरु हुने प्रशिक्षण कार्यक्रमले विद्यार्थीहरूलाई आत्मविश्वास, नेतृत्व क्षमता र सकारात्मक सोच विकास गर्न सघाउने विश्वास आयोजकको छ।
थप जानकारीका लागि ०९१–५२७४८९ र ९८०१०८७४०७ मा सम्पर्क गर्न सकिने बताइएको छ।
नेपालका चर्चित प्रेरक वक्ता डाक्टर ताराजीको युट्युब च्यानलमा ४ लाख बढी अनुयायी रहेका छन्।
