काठमाडौंःप्रधानमन्त्री केपी शर्मा ओलीले नेपाल विद्युत प्राधिकरणका कार्यकारी निर्देशक कुलमान घिसिङलाई हटाइएको बारे संसदमा आफूले जवाफ दिनु नपर्ने बताएका छन्।
युवा संघको कार्यक्रममा बोल्दै प्रधानमन्त्री ओलीले सरकारले एउटा कर्मचारी हटाउँदा संसद अवरोध गर्ने प्रतिपक्षी दलहरूप्रति कटाक्ष गरे।
सरकारले एउटा कर्मचारीलाई हटाउँदा केहीले छाती पिटिपिटी रोइरहेको टिप्पणी गर्दै प्रधानमन्त्री ओलीले आफूले संसदमा जवाफ दिइरहनु नपर्ने स्पष्ट गरे।
