काठमाडौं : नेकपा एमालेको केन्द्रीय कमिटी बैठक पार्टी मुख्यालय च्यासलमा सुरु भएको छ।
सत्ताको नेतृत्व सम्हाले यता पहिलो पटक बस्ने लागेको बैठकमा प्रधानमन्त्रीसमेत रहेका पार्टी अध्यक्ष केपी शर्मा ओलीले राजनीतिक प्रतिवेदन प्रस्तुत गर्नेछन्।
अध्यक्षबाट प्रस्तुत हुने राजनीतिक प्रतिवेदनमा आगामी कार्ययोजना, पार्टी सङ्गठन सुदृढीकरण, वर्तमान सरकार गठन, यसअघिका सरकारमा साझेदारी, सरकारका प्राथमिकता, संविधान संशोधन, आर्थिक सुधार, सहकारीलगायत विषय समेटिएका छ। उक्त प्रतिवेदनमाथि यसपटक प्रत्येक केन्द्रीय सदस्यलाई धारणा राख्ने व्यवस्था मिलाइएको र एकजना नेताले बढीमा तीन मिनेटको समय पाउनेछन्।
यही पुस १८ गते एमाले सचिवालय बैठकले केन्द्रीय समिति बैठकमा प्रस्तुत हुने राजनीतिक प्रतिवेदन पारित गरेको थियो। संसद्को हिउँदे अधिवेशनको पूर्वसन्ध्यामा बस्न लागेको बैठकले संविधान संशोधनलगायतका एजेन्डामा ठोस धारणा तय गर्ने बताइएको छ।
