हेटौँडा :ट्रकले किचेर हेटौँडाको सडक छेउमा बोरा ओढी सुतेका एक युवकको मृत्यु भएको छ।
पूर्व–पश्चिम सडक खण्डको हेटौँडा उपहमानगरपालिका–४ मा वीरगन्जबाट हेटौँडातर्फ आउँदै गरेका ना ६ ख ३३७६ नम्वरको ट्रकले किचेर हेटौँडा उपमहानगरपालिका–१ चौकीटोलका ३३ वर्षीय श्रीकृष्ण न्यौपानेको मृत्यु भएको हो।
कनिका लोड गरेको ट्रक रजत जयन्ति चोकवाट मोड्न खोज्दा सडक छेउमा बोरा ओडी सुतेका न्यौपानेलाई किचेर घाइते बनाएको थियो।
घाइते न्यौपानेलाई उपचारका निम्ति भरतपुर लगिएको थियो। उपचार गर्ने क्रममा उनको बुधबार बिहान मृत्यु भएको प्रहरीले जनाएको छ।
न्यौपाने बजार क्षेत्रमा मजदुरी गरेर सडकमै सुत्ने गरेका थिए। उनी लामो समयदेखि घर गएका थिएनन्।
