काठमाण्डौं – नेपाल प्रिमियर लिग (एनपीएल) मा आज दुईवटा खेल हुँदैछन् ।
पहिलो खेलमा बिहान नौ बजे विराटनगर किङ्ग्स र काठमाण्डौं गुर्खाज खेल्दैछन् ।
यस्तै दोस्रो खेलमा दिउँसो १ बजे पोखरा एभेन्जर्स र सुदूरपश्चिम रोयल्स खेल्दैछन् । आठ टोलीमध्ये जनकपुर प्ले अफमा पुगिसकेको छ ।
लुम्बिनी, विराटनगर र पोखरा बाहिरिसकेका छन् । अब हुने लिग चरणका तीनवटा खेलले प्ले अफमा पुग्ने तीनवटा टोलीको टुङ्गो लगाउनेछ ।
शीर्ष चारमा पुग्न चितवन, काठमाण्डौं, सुदूरपश्चिम र कर्णाली गरी चारवटा टोलीबीच प्रतिस्पर्धा रहेको छ । प्ले अफ होडमा सबैभन्दा बढी दबाबमा काठमाण्डौं छ ।
आज हुने पहिलो खेलमा काठमाण्डौं विराटनगरसँग पराजित भएमा प्लेअफमा पुग्ने बाँकी तीन टोलीको टुङ्गो लाग्नेछ । तर काठमाण्डौं राम्रो अन्तरमा विजयी भएमा प्लेअफ पुग्ने टोलीको टुङ्गो लाग्न बाँकी सबै खेलको नतिजा कुर्नुपर्ने हुन सक्छ ।
