काठमाण्डौं – काठमाण्डौंको तारकेश्वर नगरपालिका–८ शेषमतीको लामबगर शान्तिटोल गेट नजिक बसको ढोकाबाट खसेर दुई जनाको ज्यान गएको छ ।
बा४ख ७१११ नम्बरको बसको ढोकाबाट खसेर दुई जनाको ज्यान गएको नेपाल प्रहरीका प्रवक्ता प्रहरी नायब महानिरीक्षक दानबहादुर कार्कीले जानकारी दिए ।
ज्यान गुमाउनेमा नुवाकोट ककनी गाउँपालिका–५ बस्ने ५० वर्षीय सन्चबहादुर लामा र तादी गाउँपालिका–१ घर भई काठमाण्डौंको तारकेश्वर–८ लामबगर बस्ने ५८ वर्षीया सुन्तली ओझा रहेकि छन् ।
बसबाट खसेर घाइते भएका बसका सह–चालकको राष्ट्रिय ट्रमासेन्टरमा उपचार भइरहेको प्रहरी नायब महानिरीक्षक कार्कीले बताए । दुर्घटनापछि बस चालक फरार रहेको प्रहरीले जनाएको छ ।
