काठमाण्डौं – नेपाल प्रिमियर लिग (एनपीएल) मा सहभागी हुनका लागि लुम्बिनी लायन्समा अनुबन्ध भएका इङ्ग्ल्यान्डका विकेटकिपर ब्याट्सम्यान टम मुर्स नेपाल आईपुगेका छन् ।
लुम्बिनीका पहिलो विदेशी खेलाडीका रुपमा मुर्स हिजो नेपाल आइपुगेका हुन् । मुर्सलाई लुम्बिनीका मालिक ईश्वर जिसीलगायतले विमानस्थलमा स्वागत गरेका थिए ।
लुम्बिनीमा इङ्ग्ल्याण्डका मुर्सबाहेक अस्ट्रेलियाका बेन कटिङ, अमेरिकाका उन्मुक्त चन्द र वेस्ट इण्डिजका रामोन सिम्नोड्स र क्यानडाका साद विन जाफर विदेशी खेलाडीको रुपमा रहेका छन् ।
नेपाल क्रिकेट सङ्घ (क्यान) को आयोजनामा हुने पहिलो संस्करणको एनपीएल भोलि देखि पुस ६ गतेसम्म चल्नेछ ।
