काठमाण्डौं – नेपाल प्रिमियर लिग (एनपीएल) क्रिकेटको टोली सुदूरपश्चिम रोयल्सले आज धनगढीमा र्याली गर्ने भएको छ ।
सुदूरपश्चिम रोयल्सले आज धनगढीको चौराहदेखि रङ्गशालासम्म र्याली आयोजना गर्ने भएको हो ।
र्यालीमा मार्की खेलाडी दीपेन्द्रसिंह ऐरी, आरिफ शेख, विनोद भण्डारीलगायत सहभागी हुनेछन् ।
सुदूरपश्चिमको मेन्टरमा अस्ट्रेलियाका ब्राड हज तथा मुख्य प्रशिक्षकमा राष्ट्रिय टोलीका पूर्वप्रशिक्षक जगत टमाटा छन् । नेपाल क्रिकेट सङ्घ (क्यान) को आयोजनामा पहिलो संस्करणको एनपीएल यही मङ्सिर १५ गतेदेखि पुस ६ गतेसम्म आयोजना हुँदैछ ।
