धनगढी – धनगढीमा भोली अर्थात भदौ २० गते प्रहरी कल्याण कोषद्वारा संचालित पेट्रोल पम्पको उद्घाटन हुँदैछ।
प्रहरी पेट्रोल पम्प उद्घाटनमा धनगढीमा प्रतिवन्धित प्लास्टिकको प्रयोग भएको पाइएको छ।
यस विषयमा प्रदेश प्रहरीका प्रवक्ता (एसएसपी) स्याम कृष्ण अधिकारीसँग बुझ्दा उनले उद्घाटन पछि प्लास्टिक लगेर धनगढी बाहिर फाल्ने बताएका छन्।
उनले भने, ‘हामी नियम पालना गर्ने हो । हामि उद्घाटन पछि प्लास्टिक लगेर धनगढी उपमहानगरपालिका बाहिर फाल्ने हो।’ उनले अगाडी भने, ‘प्रहरीले सार्वजनिक ठाउँमा गरेको पनि छैन ।’
प्रहरीले नै पेट्रोल पम्पमा प्रतिवन्धित प्लास्टिकको प्रयोग गरेपछि यसको समाजमा नकारात्मक असर पर्ने स्थानियको भनाई छ। धनगढी उपमहानगरपालिकाले पछिल्लो समय प्लास्टिकमाथि प्रतिबन्ध लगाएको छ ।
