धनगढी –‘जेनजी रेड फोर्स’ सुदूरपश्चिम प्रदेश संयोजकमा पवन सुनार चयन भएका छन्।
माओवादी पार्टीमा जेनजी युवाहरूको आवाजलाई समेट्नका लागि बनाइएको ‘जेनजी रेड फोर्स’ समितिको सुदूरपश्चिम प्रदेश संयोजकमा उनलाई तोकिएको हो।
“पार्टी सुदृढीकरणको अभियानसहित हामीले विगतमा गरेका गलतीगरु नदोहोर्याउन र आत्मालोचना गर्दै नव युवाहरूलाई यो पार्टी र विचारसँग आबद्ध गरी राष्ट्र निर्माणको अभियानमा एकजुट हुन यस अभियान हामी सुरु गर्दैछौं”, संयोजक पवन सुनारले भने।
पार्टीमा नयाँ पुस्ताको आवाज समेट्ने र गलत सहिलाई खबरदारी गर्न समिती निर्माण गरिएको बताइएको छ।
यसैगरी कैलाली जिल्ला संयोजकमा प्रकाश जोशी र बझाङ जिल्ला संयोजकमा लक्ष्मण निरौला तोकिएका छन्।
संयोजक सुनारले भने, “तिहारभित्र देशैभरिका ७७ वटा जिल्ला र सातैवटा प्रदेशमा संयोजक तोकिने छन्।”
