पर्सा : निरन्तरको ठूलो वर्षाले वीरगञ्ज महानगरपालिका क्षेत्रमा डुबानको समस्या देखिएको छ ।
हिजोदेखि परेको ठूलो वर्षाको कारणले महानगरको अधिकांश वडामा डुबानको जोखिम उच्च देखिएको हो । वीरगञ्ज महानगरका मेयर राजेशमान सिंहले लगातार परेको वर्षाको कारणले महानगरमा विभिन्न स्थानमा डुबानको समस्या देखिएको जानकारी दिनुभयो । ‘लगातार ठूलो वर्षाको कारणले पानीको निकासको समस्या देखिएको छ । तर, डुबानकै कारणले अहिलेसम्म यहाँ धनजनको क्षति हुन भने पाएको छैन’ उहाँले भन्नुभयो, ‘महानगरको ३२ वटै वडामा कतिपय ठाउँमा पानीको उचित निकास नहुँदा केही डुबान पनि देखिएको छ ।
मेयर सिंहले सिर्सिया नदीमा पानीको बहाव बढेसँगै नदी किनारका बस्तीमा भने उच्च सतर्कता अपनाइएको जानकारी दिनुभयो ।
