काठमाण्डौं –न्युजिल्यान्डले जिम्बाब्वेमा चलिरहेको त्रिदेशीय टी–२० क्रिकेट शृङ्खलामा लगातार तेस्रो जीत निकालेको छ ।
गएराति भएको खेलमा न्युजिल्यान्डले दक्षिण अफ्रिकालाई सात विकेटले हरायो । दक्षिण अफ्रिकाले दिएको एक सय ३५ रनको लक्ष्य पछ्याएको न्युजिल्यान्डले १५ ओभर पाँच बलमा तीन विकेट गुमाएर भेट्टायो ।
त्यसअघि हरारे स्पोर्टस क्लबमा टस हारेर ब्याटिङ गरेको दक्षिण अफ्रिकाले आठ विकेट गुमाएर एक सय ३४ रन बनाएको थियो । लगातार तेस्रो खेल जितेको न्युजिल्यान्डको ६ अङ्क छ ।
शङ्खलाको उपाधिका लागि न्युजिल्यान्ड र अङ्क तालिकामा दोस्रो स्थानमा रहेको दक्षिण अफ्रिकाले खेल्नेछन् । फाइनल खेल शनिवार हुनेछ । लिग चरणको अन्तिम खेलमा भोलि न्युजिल्यान्ड र जिम्बाब्वेले खेल्नेछन् ।
