कञ्चनपुर –कञ्चनपुरको शुक्लाफाँटा नगरपालिकामा चक्रपथ सडक निर्माण अगाडि बढेको छ ।
नगरपालिकाको वडा नम्बर १२ कालागौँडीबाट सडक निर्माण शुरू भएको हो ।
नगरपालिकाको भौतिक पूर्वाधार विकास शाखाका प्रमुख दीपक धामीका अनुसार ठेक्का प्रक्रियामार्फत सात करोड ४४ लाख ४९ हजार रुपैयाँको लागतमा सडक निर्माण हुन लागेको छ ।
पहिलो चरणमा वडा नम्बर १२ को कालागौँडीदेखि वडा नम्बर ३ को जोनापुरसम्मको ५ दशमलव ९ किलोमिटर सडक स्तरोन्नतिसँगै कालोपत्रेको कार्य गर्ने गरी ठेक्का सम्झौता भएको छ ।
